Këngëtarja me famë botërore me prejardhje nga Kosova, Dua Lipa  vazhdon me sukseset e saj të njëpasnjëshme duke prekur majat e industrisë muzikore.

Këngëtarja kosovare tani ka arritur një tjetër sukses duke thyer një rekord në platformën e transmetimit të muzikës, Spotify.

Tri herë fituesja e çmimit “Grammy”, ka hyrë në historinë e platformës Spotify, pasi albumi i saj “Dua Lipa full edition” ka kaluar shifrën 10 miliardë “streams”.

Kështu, ajo bëhet artistja e parë femër, albumi i së cilës arrin këtë shifër rekord, dhe është albumi i tretë më i dëgjuar në “Spotify”.

Foto e postuar nga Dua Lipa në rrjetin social Instagram

Lajmin e ka bërë të ditur vetë Dua nëpërmjet rrjetit social Instagram, ku e ka ndarë në “InstaStory” nga një llogari e fansave të saj.

Në postim thuhet: “Dua Lipa (Complete Edition)” ka kaluar 10 miliardë “streams” në Spotify.

Gjithashtu, artistja me origjinë kosovare është edhe femra e parë në historinë e Spotify që ka dy albume me mbi 5 miliardë transmetime.