Dua Lipa mbushë Tiranën me turistë ndërkombëtar në 110 vjetorin e pavarësisë

Tirana këtë 28 nëntor, ka pasur më shumë se zakonisht vizitor, e madje shumica e tyre të huaj. Shkak për këtë, është bërë koncerti falas në sheshin Skënderbeu, i këngëtares shqiptare me famë botërore, Dua Lipa

Dua Lipa, këngëtare

Loredana Hodosan dhe Narcis Andrei, kanë ardhur nga Barcelona në Tiranë, në 110 vjetorin e pavarësisë së Shqipërisë.

Nënë e bir nga Spanja, këtu i solli koncerti i këngëtares kosovare me famë botërore, Dua Lipa.

“Këtu në Tiranë sot jemi vetëm për Dua Lipën. Sepse është këngëtarja më e mirë, unë e dua shumë atë. Këtu kam ardhur me djalin tim…” ka thënë Loredana Hodonsan , ndërsa djali i saj, Narcis Andrei tha “Ne jemi shumë të emocionuar që do ta shohim atë. Janë bërë shumë vite që e dëgjojmë muzikën e saj dhe ne kur dëgjuam për këtë koncert, që ajo do të jetë në Evropë dhe për më shumë koncerti do të jetë falas, nxituam menjëherë”.

Loredana Hodonsan, turiste nga Spanja dhe djali i saj

Shqipëria atyre u ka lënë përshtypje të mira.

“Mua më ka pëlqyer mjaft vendi. Është një mënyrë tjetër e jetesës këtu, sepse është ndryshe nga vendet evropiane. Njerëzit duken shume të mirë”, ka thënë Hodonsan, turiste nga Spanja.

Sikur ta, për Dua Lipën në Shqipëri ka ardhur edhe turisti nga Danimarka, Hans Christian Jensen.

“Jam një fans i madh i Dua Lipës. Përveç këtu, kam qenë edhe në Kosovë, në SunnyHill”, ka thënë Hans Chirstian Jensen, turist nga Danimarka.

Hans Christian Jensen, turist nga Danimarka

Në Tiranë, të hënën janë parë edhe shumë turistë të tjerë nga vende të ndryshme evropiane.

Por përveç kryeqytetit që ka në agjendë këtë aktivitet që ka mbledhur turistë nga shumë vende, edhe qytetet e tjera, në mënyrën e tyre shënuan 110 vjetorin e pavarësisë së Shqipërisë.

Organizimet për 110 vjetorin e pavarësisë nisën zyrtarisht që nga e diela, me aktivitetin kryesor që u mbajt në Kuvendin e Shqipërisë, që zhvilloi mbledhjen e parë të përbashkët të Kuvendit të Shqipërisë dhe atij të Kosovës.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika