Sikur në çdo natë tjetër edhe sonte me fillim nga ora 22:30 në RTV Dukagjini fillon emisioni “Dueli Botëror” që i kushtohet Kampionatit Botëror “Katari 2022”.
Për të diskutuar rreth futbollit dhe jo vetëm, në panel sonte janë tre trajnerët e njohur, Bylbyl Sokoli, Ismet Munishi dhe Afrim Toverlani.
Të ftuar gjithashtu janë edhe Kaltrina Ajeti, moderatore, Xhafer Gashi, kryetar i komunës së Obiliqit dhe Resul Sinani, moderator.
Krahas diskutimit të ngjarjeve sportive, sonte vazhdon edhe turneu në sony playstation në FIFA 2023 i njohur tashmë si “Botërori i Dukagjinit”.
Ky spektakël do të drejtohet nga Ndrec Gjonaj, Erza Brahushi dhe Kadrie Canolli.
Kjo është vetëm nata e tretë e këtij emisioni, i cili do të ju shoqërojë deri në finalen e madhe të Kampionatit Botëror që zhvillohet me 18 dhjetor.