Enver Dugolli, i ftuar në emisionin “Five”, në RTV Dukagjini, ka thënë se nuk i është dhënë asnjë informacion zyrtar që Ministria e Punëve të Brendshme dhe Administratës Publike të ketë lidhur marrëveshje me një kompani e cila importon derivate me origjinë ruse.
Zëvëndës kryetari i Komisionit për Çështjet dhe Sigurinë e Kosovës nga rradhët e Lëvizjes Vetëvendosje, Enver Dugolli, ka thënë se i gjithë informacioni që ka është vetëm ai i lexuar nga portalet.
“Nëse është e vërtetë, për një gjë e tillë do të duhej të deklaroheshin përgjegjësit se pse do të lidhnin marrëveshje me një kompani ruse”, ka thënë Dugolli, duke shtuar se një veprim i tillë është kundër ligjeve të miratuara nga Qeveria e Kosovës.
Dugolli ka thënë se do të angazhohen në hetimin e kësaj çështjeje duke shtuar se Administrata e Shtetit do të duhej të tregohej më e kujdesshme për një vendim i cili është kundër sanksioneve që Qeveria e Kosovës i kishte vendosur Rusisë.
Kosova vendos sanksione të reja ndaj Federatës Ruse dhe Bjellorusisë
Enver Dugolli është deputet i Lëvizjes Vetëvendosje që nga viti 2018, e njëherësh edhe anëtar i Këshillit te Përgjithshëm.