Deputeti i Kuvendit të Kosovës, Enver Dugolli, njëherësh i mbijetuar i masakrës së Dubravës, ka ofruar prova se Gjykata Speciale ka juridiksion lëndor mbi krimet e kryera nga forcat serbe gjatë masakrës së Dubravës, dhe se sipas tij, prokurori i specializuar ka juridiksion të plotë për ta hetuar këtë rast.
Ai ka bërë të ditur se i ka dërguar shkresë prokurorit të specializuar, Alex Whiting, duke i ofruar argumente shtesë në lidhje me juridiksionin lëndor për masakrën e Dubravës.
![](https://scontent.fprn3-1.fna.fbcdn.net/v/t39.30808-6/346650686_576044034634469_1888682194172422739_n.jpg?_nc_cat=111&ccb=1-7&_nc_sid=8bfeb9&_nc_ohc=XWtGtc5pZF8AX83JVyf&_nc_ht=scontent.fprn3-1.fna&oh=00_AfBz-h_bhpH-n7T6QfC0eTVnKKjAhcmIT66p5h64T0vLRg&oe=6467757C)
“Sot prapë i kam dërguar në shkresë u.d. prokurorit të specializuar, z. Alex Whiting. Kjo shkresë ofron argumente shtesë duke u bazuar në tri vendimet e lëshuara nga vetë Gjykata Speciale, se i takon juridiksionit lëndor”, ka thënë ai.
“Pra, Gjykata Speciale ka juridiksion lëndor mbi krimet e kryera të forcave serbe gjatë planifikimit dhe ekzekutimit të masakrës së Dubravës. Në bazë të argumenteve të parashtruara me këtë shkresë, nuk mbetet më asnjë dyshim: prokurori i specializuar ka juridiksion të plotë për ta hetuar këtë rast”, ka vijuar Dugolli.
Dugolli është shprehur se nuk do të pushojë asnjëherë së kërkuari drejtësi për viktimat e masakrës së Dubravës.