Dugolli për Policinë e Kosovës: Patjetër që i duhet vullnet politik

Gjersa ka përgëzuar Policinë dhe Prokurorinë e Kosovës për efikasitetin e treguar në luftën kundër substancave narkotike, Dugolli ka thënë se Qeveria e Kosovës është e përkushtuar që të mbështetë Policinë e Kosovës.

Enver Dugolli ka thënë se vullneti politik i qeverisë për të mbështetur Policinë e Kosovës ka treguar rezultat, i cili më së miri po tregohet nga aksionet e fundit të saj.

Zëvëndës kryetari i Komisionit për Çështjet dhe Sigurinë e Kosovës nga rradhët e Lëvizjes Vetëvendosje, Enver Dugolli, ka thënë se janë dëshmitarë të territorit kontrabandist të minimizuar nga Policia e Kosovës, gjë për të cilën shteti duhet të inkurajojë organet.

Megjithëse Policia e Kosovës është organ i pavarur, Dugolli ka thënë se aksionet në të kaluarën kanë treguar që ka ekzistuar një lidhje mes këtij institucioni dhe rendit politik.

“Ju e dini që ka pasur ndërhyrje në polici, dhe nga ky prizëm dua të besoj që vullneti politik është i rëndësishëm që të mos pengojë Policinë e Kosovës në kryerjen e detyrave të saj”, ka thënë Dugolli, për RTV Dukagjinin.

Dugolli ka folur edhe mbi policinë e Mitrovicës së Veriut, për të cilët ka thënë se kryejnë detyrat në të njëjtën vijë komanduese si stacionet e tjera të policisë në qytetet e Kosovës.

Ndonëse në radhët e opozitës, LVV kritikonte policinë, Dugolli ka thënë se “ne kemi kritikuar shkallën politike dhe jo policinë”, duke shtuar se aso kohe, Policia e Kosovës instrumentalizohej nga politika.

Më tej, ai ka shtuar se e sheh të nevojshme që tashmë Policisë së Kosovës t’i mundësohet sigurimi shëndetësor, kërkesë e cila është premtuar të realizohet deri në fund të vitit, ose të paktën të fillojë të implementohet.

Enver Dugolli është deputet i Lëvizjes Vetëvendosje që nga viti 2018, e njëherësh edhe anëtar i Këshillit te Përgjithshëm.

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika