Durmishi akuzon PDK-në për shpifje, paralajmëron padi ndaj tyre

Zëvendësministri i Ministrisë së Infrastrukturës, Hysen Durmishi, ka reaguar pas akuzave të PDK-së, për keqpërdorim të 9 milionë eurove. Durmishi e ka akuzuar PDK-në, për shpifje dhe ka paralajmëruar se do t’i padis ata. Sipas tij, as ai dhe as ministri Liburn Aliu nuk e kanë shkelur asnjë ligj

Hysen Durmishi, zëvendësministër i Infrastrukturës

Pas akuzave të Partisë Demokratike të Kosovës, ndaj Ministrisë së Infrastrukturës për nënshkrimin e 42 kontratave burimore, ka reaguar zëvendësministri Hysen Durmishi, i cili ka mohuar akuzat duke thënë se nuk e kanë shkelur asnjë ligj.

PDK-ja e ka akuzuar këtë ministri, se përveç se kanë nënshkruar kontrata një burimore edhe ju kanë dhënë buxhet për punë shtesë në projektet e kontraktuara, kështu sipas tyre duke i keqpërdorur rreth 9 milionë euro.

Përmes një njoftimi në Facebook, Durmishi ka paralajmëruar padi për shpifje ndaj deklaratave të bëra nga anëtarët e PDK-së.

“Të gjitha kontratat tjera janë të nënshkruara nga qeverisjet e kaluara, me gabime të mëdha, në projekte, paramasa, pozicione të pa parashikuara e duke lënë gjithmonë hapësirën për penallti, pra ku Ministria obligohet të paguaj dëmshpërblime milionëshe pa asnjë punë të kryer”, ka deklaruar Durmishi.

Ministria e Infrastrukturës

Tutje Durmishi, ka akuzuar PDK-në, se në të kaluarën ka abuzuar me buxhetin e shtetit. Sipas tij një projekt në qeverisjen e PDK-së ka kushtuar rreth 19 milionë euro, tash kushton 9.

“Mirëmbajtja verore e dimërore për rrugët regjionale e nacionale qeverisjeve të kaluara ju ka kushtuar 19 milion euro në vit. Kurse në qeverisjen tonë për një vit për rrugët e njejta vetēm 9 milion euro. Edhe më lirë e natyrisht edhe më mirë. Kjo parti është në hall me xhepin e saj që e kishte të lidhur me buxhetin e shtetit”, ka shtuar Durmishi.

Gjatë ditës së enjte, Partia Demokratike e Kosovës, ka mbajtur një konferencë për media, ku ka akuzuar Ministrinë e Infrastrukturës, për keqpërdorim të 9 milionë eurove.

Sipas PDK-së, janë nënshkruar 42 kontrata një burimore, për shumicën e të cilave janë dhënë punë shtesë. Kjo parti ka paralajmëruar se do të ushtrojnë padi ndaj kësaj ministrie.

PDK: Ministria e Infrastrukturës ka keqpërdorur 9 milionë euro

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

Avokati Gashi: Ka neglizhencë të hetimeve, Astrit Dehari është goditur...

Avokati Tomë Gashi ka njoftuar se të premten e 12 gushtit do të mbajë konferencë për media në lidhje me rastin e vdekjes së...

Të fundit nga rubrika