Dy aksidente në Prishtinë e Podujevë, tre të vdekur

Policia e Kosovës ka konfirmuar se kanë ndodhur dy aksidente në rajonin e Prishtinës, ku tre persona kanë vdekur. Një aksident ka ndodhur në rrugën Llapnasellë-Graqanicë, ku një person ka vdekur dhe një është lënduar. Ndërsa aksidenti tjetër ka ndodhur në rrugën që lidh fshatin Sfeqël me fshatin Shajkovc të Podujevës, ku kanë vdekur dy persona dhe një tjetër është lënduar. Autoritetet kanë filluar hetimet për të zbardhur shkaqet e këtyre aksidenteve tragjike

Policia e Kosovës
Policia e Kosovës

Policia e Kosovës ka bërë të ditur se si pasojë e dy aksidenteve që kanë ndodhur në rajonin e Prishtinës, kanë vdekur tre persona.

Këtë e ka konfimuar për Dukagjinin zëdhënësja e policisë për rajonin e Prishtinës, Flora Ahmeti

Siç njofton Ahmeti njëri aksident ka ndodhur rrugën Llapnasellë-Graqanicë, ku një person ka vdekur dhe një është lënduar.

“Sot rreth orës 16:30 kemi pranuar informatën se në rrugën Llapnasellë-Graqanicë, ka ndodhur një aksident trafiku me pasoja fatale. Në këtë aksident kanë qenë të përfshira, dy automjete, të cilat kanë qenë në lëvizje. Si pasojë e aksidentit lëndime trupore kanë pësuar dy persona, një prej tyre nuk ka arritur të përballojnë plagët dhe i njëjti ka ndërruar jetë”, njofton Ahmeti.

Ndërkaq, aksidenti tjetër ka ndodhë në rrugën që lidhë fshatin Sfeqël me fshatin Shajkovc të Podujevës, ku kanë vdekur dy persona dhe një tjetër është lënduar.

“Sot rreth orës 20:30 në rrugën që lidhë fshatin Sfeqël me fshatin Shajkovc të Podujevës, ka ndodhur një aksident trafiku, ku është përfshirë një veturë.  Si pasojë e aksidentit tre persona kanë pësuar lëndime të rënda trupore.  Dy nga personat e lënduar nuk kanë arritur të përballojnë plagët e shkaktuara nga aksidenti dhe të njëjtit kanë vdekur. Vdekjen e viktimave e ka konstatuar ekipi mjekësor në vendngjarje, ndërsa me hetimin për zbardhjen e shkaqeve të këtij vetaksidenti, po merren hetuesit nga njësiti i trafikut”.

Shija e redaktorit

Dukagjini Resort – Ky është projekti përrallor 80 milionësh që...

Një projekt përrallor ka nisur të realizohet në Shëngjin. Ai po realizohet nga Dukagjini Resort, ku plani fillestar është për ndërtimin e disa objekteve e...

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Të fundit nga rubrika