Dy aksidente trafiku me fatalitet janë raportuar në Podujevë në raportin 24-orësh të policisë.
Një grua ka humbur jetën pasi dyshohet se është goditur nga vetura në Podujevë. I dyshuari për këtë rast është arrestuar.
“Si pasojë e lëndimeve viktima ka ndërruar jetë, vdekjen e të cilës e ka konstatuar ekipi mjekësor. Me vendim të prokurorit trupi i pajetë dërgohet në IML për obduksion, ndërsa i dyshuari është dërguar në mbajtje”, thuhet në raportin 24-orësh.
Po pak më vonë, raportohet të ketë ndodhur një vetaksident trafiku, ku njëri nga të përfshirët në aksident ka ndërruar jetë.
Ndërsa, dy të tjerë kanë pësuar lëndime trupore.
“Raportohet se ka ndodhur një vetaksident trafiku, ku si pasojë tre persona meshkuj kosovarë kanë pësuar lëndime trupore. Të lënduarit janë dërguar për tretman mjekësor në QKUK, ku njeri prej tyre ka ndërruar jetë”, thuhet në raport.