Në Burgun e Pasjakut në Novobërdë, të enjten, dy gardianë të burgut kanë pësuar lëndime trupore në vendin e punës, pas një sulmi nga një i burgosur.
Ata kanë pësuar lëndime trupore dhe kanë pranuar tretman mjekësor.
“Burgu i Pasjakut, Novobërdë 25.01.2024 – 11:10 – Dy viktimat meshkuj kosovarë (gardianë të burgut) kanë pësuar lëndime trupore pasi janë sulmuar në vendin e punës nga i dyshuari mashkull kosovar (i burgosur). Viktimat kanë pranuar trajtim mjekësor”, ka njoftuar Policia e Kosovës.
Policia, gjithashtu, ka bërë të ditur se prokuroria është njoftuar dhe është duke e hetuar rastin.