Ministrja e Ekonomisë, Artane Rizvanolli, pritet të raportojë nesër para deputetëve në Komisionin për Ekonomi, Industri, Ndërmarrësi dhe Tregti.
Në njoftimin e Kuvendit të Kosovës thuhet se Rizvanolli do të raportojë lidhur me realizimin e projekteve të ministrisë për vitin 2023 dhe planet e ministrisë për vitin 2024.
Kjo mbledhje e Komisionit për Ekonomi do të fillojë nga ora 11:00.
Ndërsa, në një komision tjetër, atë për Mbikëqyrjen e Financave Publike është i ftuar të raportojë ministri i Infrastrukturës, Liburn Aliu.
Në këtë mbledhje do të shqyrtohet raporti i auditimit të performancës” Prokurimet e negociuara pa publikim të njoftimit për kontratë në Ministrinë e Mjedisit, Planifikimit Hapësinor dhe Infrastrukturës në vitin 2021”.
Mbledhja do të fillojë në orën 11:00.