Një aksident trafiku ka ndodhur në Komoran të Drenasit, ku kanë qenë të përfshira tri automjete, një kamion dhe dy vetura.
Rastin për Portalin Dukagjini e ka konfirmuar zëdhënësi i Policisë së Kosovës, Baki Kelani, i cili ka bërë të ditur se nga ky aksident përveç dëmeve materiale, janë lënduar edhe dy persona.
“Sot rreth orës 08:00 të në rrugën nacionale Prishtinë – Pejë, në Komoran, ka ndodhur një aksident trafiku me lëndime dhe dëme materiale, ku janë përfshirë tri automjete, prej tyre një kamion dhe dy vetura. Bazuar në informacionet fillestare nga njësitet policore në terren, dyshohet se dy persona kanë pësuar lëndime”, theksoi ai.