Dy pjesëtarë të Gardës Kombëtare ndodhen në gjendje kritike pas të shtënave që ndodhën të mërkurën në Washington DC, raporton BBC.

Drejtori i FBI-së, Kash Patel, tha se incidenti do të hetohet në nivel federal dhe do të trajtohet si një sulm ndaj oficerëve të zbatimit të ligjit.

Ai i quajti pjesëtarët e Gardës “heronj” dhe theksoi se hetimet do të zhvillohen në bashkëpunim mes autoriteteve lokale dhe federale.

Kryetarja e qytetit të Washingtonit, Muriel Bowser, tha se ngjarja duket të ketë qenë një “të shtënë e qëllimshme”.

Një zyrtar i policisë, Jeffrey Carroll, shtoi se aktualisht nuk dihet motivi i sulmit dhe se autoritetet ende nuk e dinë llojin e armës që u përdor.

I dyshuari për ngjarjen po trajtohet nga autoritetet shëndetësore dhe gjendja e tij nuk është bërë ende publike.