Të paktën dy persona janë lënduar si pasojë e një aksident trafiku që ka ndodhur sot në fshatin Brod të Shtërpcës.
Ketë e ka konfirmuar zëdhënësi i Policisë së Kosovës për rajonin e Ferizajit, Kanun Veseli për portalin Dukagjini duke thënë se pos të lënduarve ka edhe dëme materiale.
“Rreth orës 17:00 policia rajonale e Ferizajt ka pranuar një informatë se në aksin rrugor Fusha e Pajtimit-Shtërpcë, në fshatin Brod të Shtërpcës, ka ndodhur një aksident komunikacioni, ku janë përfshirë dy vetura me targa vendore. Veç dëmeve materiale në automjete, dy persona kanë kërkuar ndihmë mjekësore”, ka thënë Veseli.
Ai gjithashtu ka njoftuar se njësitet e trafikut kanë dalë menjëherë në vendin ngjarjes dhe janë duke hetuar rastin se si ka ardhur deri te aksidenti.