Një aksident trafiku ka ndodhur në qytetin e Pejës, mbrëmjen e së martës së 27 dhjetorit, këtë e ka bërë të ditur për Portalin Dukagjini, zëdhënësi i Policisë për Rajonin e Pejës, Driton Rugova.
Rugova ka thënë se në aksident kanë qenë të përfshira një veturë dhe një motoçikletë. Dy persona që ndodheshin në motoçikletë kanë pësuar lëndime trupore, të cilët tashmë janë dërguar në spitalin rajonal në Pejë.
“Sot rreth orës 17:30, Policia është i formuar për një aksident trafiku, i cili ka ndodhur në rrugën ‘Zhujë Selmani’ në Pejë. Në këtë aksident kanë qenë të involvuara një veturë dhe një motoçikletë. Si pasojë e këtij aksidenti, dy persona të cilët ndodheshin në motoçikletë kanë pësuar lëndime trupore, të njëjtit me autoambulancë janë dërguar në emergjencën e spitalit rajonal në Pejë”, ka konfirmuar Rugova për Portalin Dukagjini.