Një ngjarje tragjike dyshohet se ka ndodhur në bregdetin e Shëngjinit, ku disa të rinj nga Kosova janë përballur me rrymat e forta detare.
Sipas raportimeve të A2 CNN dhe Top Channel, dy persona dyshohet se kanë humbur jetën, ndërsa tre të tjerë janë dërguar në spital në gjendje të rëndë.
Ende nuk ka konfirmim zyrtar për numrin e saktë të viktimave dhe gjendjen e të lënduarve.
Mediat raportojnë se të rinjtë kishin hyrë në det, por për shkak të dallgëve të forta dhe rrymave detare, nuk kanë arritur të dalin në breg dhe janë përfshirë në vështirësi serioze.
Forcat e kërkim-shpëtimit dhe policia janë në terren dhe po punojnë për sqarimin e plotë të rrethanave të ngjarjes.