Përmes një postimi në rrjetin social Facebook, Instituti Kombëtar i Shëndetësisë Publike të Kosovës (IKSHPK) ka njoftuar se gjatë 24 orëve të fundit janë shënuar dy vdekje.
“IKSHPK është duke vazhduar pandërprerë me testimin dhe gjurmimin e të gjitha rasteve, kontakteve të rasteve në komunitet dhe diagnostikimin laboratorik andaj të gjithë personat me kokëdhembje, kollitje, dhembje fyti, vështërsi në frymëmarrje, rrjedhje hundësh, temperaturë, plogështi, humbje e shijes, rekomandohen të testohen”, ka shkruar Instituti Kombëtar i Shëndetësisë Publike.
Statistikat gjatë 24 orëve të fundit:
Nga testimi i 4 mijë e 210 personave, raste pozitive kanë rezultuar 1 mijë e 562.
Ndërsa, brenda 24 orëve të fundit sipas të dhënave të MSH-së janë shëruar gjithsej 1 mijë e 186 pacientë.
Qytetarëve u bëhet thirrje për bartjen e maskave në mënyrë që sado pak ta parandalojnë infektimin nga kjo sëmundje.
MSH dhe IKSHPK rekomandojnë qytetarët që përkundër situatës së qetë dhe stabile epidemiologjike në vend, të jenë të kujdesshëm në zbatimin e masave preventive kundër sëmundjeve ngjitëse dhe të vaksininohen kundër COVID-19.