Dy vdekje të dyshimta janë raportuar në Policinë e Kosovës, brenda 24-orëve të fundit në Kosovë.
Raporti 24-orësh i Policisë së Kosovës bën të ditur se, njëri rast ka ndodhur në Leposaviq. Vdekja e viktimës ishte konstatuar nga mjeku.
“Lidhur me rastin, në vendngjarje kanë dalë njësia policore dhe ekipi mjekësor, me ç’rast mjeku kompetent ka konstatuar vdekjen e viktimës, mashkull kosovar. Me kërkesë të familjes dhe me urdhër të prokurorit, trupi i pajetë i është dorëzuar familjes për ceremoni varrimi”, thuhet në raport.
Rasti ka ndodhur të dielën rreth orës 12:30. Më vonë në të njëjtën ditë, një tjetër vdekje e dyshimtë u raportua në Zveçan.
Është raportuar se viktima, mashkull kosovar, duke drejtuar traktorin nga pakujdesia ka humbur kontrollin, ku si pasojë ka pësuar lëndime trupore. Ai ka ndërruar jetë me të arritur në spital.
“Është raportuar se viktima, mashkull kosovar, duke drejtuar traktorin nga pakujdesia, ka humbur kontrollin dhe si pasojë ka pësuar lëndime trupore. Viktima pasi ka arritur në spitalin rajonal ka ndërruar jetë, vdekjen e të cilit, e ka konfirmuar ekipi mjekësor. Me vendim të prokurorit trupi i pajetë i është liruar familjarëve për ceremoni mortore”, thuhet në raport.