Dy vëllezër janë arrestuar në Prishtinë nën dyshimin për sulm ndaj personit zyrtar, pasi fillimisht u përfshinë në një përleshje mes vete, ndërsa më pas sulmuan edhe zyrtarët policorë.
“Janë arrestuar dy të dyshuar (vëllezër), pasi të njëjtit janë hasur duke e sulmuar-grushtuar njëri-tjetrin. Të dyshuarit, në vendin e ngjarjes, nuk u janë bindur urdhrave të zyrtarëve policorë dhe i kanë sulmuar e goditur fizikisht edhe zyrtarët policorë”, thuhet në raportin 24-orësh të Policisë së Kosovës.
Sipas Policisë, trajtim mjekësor kanë pranuar si zyrtarët policorë, ashtu edhe të dyshuarit.
“Me vendim të prokurorit, të dyshuarit, të cilët ishin në gjendje të dehur, janë dërguar në mbajtje, ndërsa pritet intervistimi i tyre pas këndelljes së tyre. Rasti është duke u hetuar”, njofton Policia.