Qeveria Kurti në mbledhjen e 87-të të saj, ka miratuar Projektligjin për Ratifikimin e Marrëveshjes së Bashkëfinancimit për Studimin e Fizibilitetit dhe Projekt-idesë për Lidhjen Hekurudhore Durrës-Prishtinë.
Përgjatë mbledhjes elektronike janë marrë dy vendime, njofton Zyra e Kryeministrit.
Qëllimi i marrëveshjes për lidhjen hekurudhore Durrës-Prishtinë është përcaktimi i procedurave dhe ndarja e kostove ndërmjet palëve për financimin e Studimit të Fizibilitetit të këtij projekti, gjegjësisht për zbatimin e Memorandumit të Mirëkuptimit ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës.
Njëherësh, kabineti qeveritar i Kurtit ka miratuar propozim-vendimin për të cilin do t’i kërkohet presidentes së Kosovës, Vjosa Osmani që të autorizojë Ministrinë e Ekonomisë për nënshkrimin e marrëveshjes së bashkëfinancimit dhe marrëveshjes për implementimin e projektit ndërmjet Republikës së Kosovës, e përfaqësuar nga Ministrja e Ekonomisë dhe SHBA-së, të përfaqësuar nga MCC.
Ky projekt synon sigurimin e stabilitetit të furnizimit me energji elektrike në Kosovë dhe njëherësh, tranzicionin në energji më të pastër në të ardhmen. Përveç kësaj, ky projekt ka për synim ndërtimin e kapaciteteve në fushën e energjisë dhe ngritja e punësimit të grave në këtë fushë.
Delegacioni kosovar dhe ai amerikan i MCC-së do të takohen të martën