Policia e Kosovës ka kërkuar ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi.
“Njësiti i hetimeve të stacionit policor Qendra në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi”, thuhet në njoftimin e PK-së.
Duke iu referuar njoftimit të policisë, personat e dyshuar kërkohen për përfshirje në një rast “Vjedhje”, që ka ndodhur më 01.04.2023, në një market në Prishtinë.
Policia, po ashtu, bën thirrje që qytetarët që kanë informacion mbi të dyshuarat të kontaktojnë në stacionin më të afërt policor ose në aplikacionet digjitale.
“Personat e dyshuar kërkohen për përfshirje në një rast, Vjedhje, që ka ndodhur me datën 01.04.2023, në një market në Prishtinë. Të nderuar, për çdo informatë që mund të çojë në identifikimin e personave apo vendodhjes së tyre, kontaktoni policinë në numrin e telefonit: 192”, thuhet në njoftim.