25 qengja dyshohen se janë kontrabanduar nga Serbia, raporton Policia e Kosovës.
Përmes raportit të Policisë së Kosovës, bëhet e ditur se një personi në fshatin Cerkolez të Istogut, i është ndaluar automjeti pas dyshimeve për kontrabandim.
” Policia gjatë patrullimit ka ndaluar kombin e drejtuar nga i dyshuari mashkull kosovar, ku gjatë kontrollit i janë vërejtur 25 copë qengja, të cilët dyshohet të jenë kontrabanduar nga Serbia. Në lidhje me rastin janë njoftuar zyrtarët e AUV-it dhe prokurori”, thuhet në raportin e policisë.
Ndër të tjera, bëhet e ditur se automjeti është sekuestruar dhe se kafshët mbeten nën përkujdesjen e të dyshuarit.