Agjencia e Ushqimit dhe Veterinarisë (AUV) ka marrë masa ndaj një kompanie kosovarë, duke ia ndaluar eksportin e produkteve të mishit – nën dyshimet se kompania kosovare ka blerë mish nga Brazili dhe e ka shitur në Shqipëri si produkt me origjinë nga Kosova.
Këtë e ka konfirmuar zëdhënësi i AUV-it, Lamir Thaçi, i cili ka theksuar se është urdhëruar ndalja e menjëhershme e lëshimit të dokumenteve për eksport.
“Pas dyshimit të ngritur për falsifikim të origjinë se produktit ushqimore( mish) nga Operatori Ekonomik Apetit sh.p.k. Agjencia e Ushqimit dhe Veterinarisë ka urdhëruar ndaljen e menjëhershme të lëshimit të dokumenteve për eksport për biznesin e lartcekur. Është formuar komisioni profesional i cili do të bëjë auditimin (gjurmushmërin/përputhshmërinë) e të gjitha hyrje daljeve të biznesit për të vërtetuar dyshimin e ngritur. Po ashtu janë informuar edhe autoritete tjera që merren me taksat ( doganat, ATK). Të cilat do të gjurmojnë për pjesën e mandatit të tyre dhe në të njëjtën kohë do ta mbështesim njëra-tjetrën, me të dhënat rreth të gjeturave qe burojnë nga kontrollet e detajuara.
Pas kompletimit të plotë të hulumtimit do t’ju mbajmë të informuar mbi të gjetura”, ka thënë Thaçi.