Një person është arrestuar për t’u liruar pastaj në procedurë të rregullt, nën dyshimet se e ka ngacmuar seksualisht një vajzë të mitur, në komunën e Obiliqit.

I dyshuari është intervistuar me vendim të prokurorit.

Policia e Kosovës, në raportin e saj 24 orësh nuk ka dhënë detaje të tjera.

“Është arrestuar i dyshuari mashkull kosovar pasi ka ngacmuar seksualisht të miturën viktimën femër kosovare. Me vendim të prokurorit pas intervistimit i dyshuari është liruar dhe rasti shkon në procedurë të rregullt”, thuhet në njoftimin e policisë.