Një 42-vjeçar dyshohet se ka dhunuar një 18-vjeçare të shtunën e 17 shtatorit në komunën e Ferizajt.

Drejtori i Policisë Rajonale në Ferizaj, Basri Shabani, për portali Dukagjini ka konfirmuar se i dyshuari është arrestuar të dielën dhe është dërguar në mbajtje për 48 orë.

Po ashtu, Shabani ka thënë se i dyshuari kishte një të kaluar kriminale.

“Ka ndodh një dhunim. I dyshuari është ndaluar për 48 orë me urdhër të prokurorit. I dyshuari është me të kaluar kriminale”, ka thënë Shabani.

Për këtë rast është raportuar edhe në raportin 24-orësh të Policisë së Kosovës.

“Ferizaj 17.09.2022 – 04:00. Më 18.09.2022 është arrestuar i dyshuari mashkull kosovar, nën dyshimin se i njëjti më 17.09.2022 e ka dhunuar viktimën femër kosovare. Me vendim të prokurorit i dyshuari është dërguar në mbajtje”.

Po ashtu, një dhunim seksual është raportuar edhe më 29 gusht në Prishtinë.

Pesë persona të dyshuar dyshohen se për më shumë se 5 orë e kanë dhunuar një 11-vjeçare në Prishtinë.

Dhunimi i 11 vjeçares, arrestohen edhe gjashtë persona