Policia e Kosovës ka arrestuar një person, nën dyshimin se ka plagosur një person në Skenderaj.
Në raportin 24-orësh bëhet e ditur se viktima është dërguar në QKUK për tretman mjekësor.
Në vendin e ngjarjes është konfiskuar një pistoletë me dy fishekë, një gëzhojë dhe një thikë.
Me vendim të prokurorit, i dyshuari është dërguar në mbajtje.
“Rr. Bekim Berisha, Skenderaj 31.05.2023 – 20:27. Viktima mashkull kosovar është dërguar në QKUK për tretman mjekësor, pasi që ishte plagosur nga i dyshuari mashkull kosovar. I dyshuari është arrestuar dhe është konfiskuar një pistoletë me dy fishekë, një gëzhojë dhe një thikë. Me vendim të prokurorit, i dyshuari është dërguar në mbajtje”, thuhet në raportin 24-orësh.