Katër personat e plagosur nga të shtënat me armë zjarri në Podujevë dyshohet se kanë lidhje familjare.
Kështu ka deklaruar prokurori kujdestar, Menduhi Kastrati, i cili tha se është nisur drejt vendit të ngjarjes, ndërsa theksoi se deri më tani nuk ka informacione për motivet e rastit.
“Për persona të lënduar kemi informata që janë duke u dërgu në QKUK, mirëpo për të vrarë nuk kemi informata. Jemi duke shku në vend të ngjarjes. Informatat janë se dyshohet se janë familjarë- kanë lidhje familjare, por detaje nuk kam as unë. Motivet ende nuk dihen, policia janë të angazhuar”, ka deklaruar Kastrati për “Betimi për Drejtësi”.
Policia e Kosovës po vazhdon hetimet për zbardhjen e plotë të rastit.