Qeveria shqiptare pak ditë më parë është përballur me një sulm kibernetik, i cili pasoi me hakimin e faqeve qeveritare. Nga ky sulm kibernetik janë postuar disa e-maile të kryeministrit të Shqipërisë, Edi Rama.
E-mailet e publikuara të kryeministrit Edi Rama kanë të bëjnë me problemet e punësimit në administratë, problemet me pronat apo kriteret që përdoren në tenderët publikë të cilat kanë përjashtuar kompani të ndryshme.
Në mesin e këtyre e-mail janë dhe ankesat e shqetësimet e qytetarëve për gjendjen aktuale në Shqipëri.
https://homelandjustice.ru/ ishte website ku u publikuan materialet e kreut të qeverisë, madje edhe ato që janë fshirë nga inbox.
Se Shqipëria është duke u ballafaquar me sulm kibernetik ka njoftuar Agjencia Kombëtare e Shoqërisë së Informacionit më 17 korrik të këtij viti. Sipas kësaj agjencie, sulmi kibernetik vinte nga jashtë Shqipërisë.
Duke filluar nga ky njoftim, shërbimet online dhe sistemet qeveritare kanë qëndruar të mbyllura për disa ditë.