Një e mitur ka raportuar në Policinë e Kosovës se është detyruar të kryejë marrëdhënie seksuale me të dashurin e saj.
Siç thuhet në raportin 24-orësh të Policisë së Kosovës, rasti ka ndodhur pasditen e së premtes në Fushë-Kosovë
“Viktima femër kosovare – e mitur, ka raportuar se është detyruar të kryej marrëdhënie seksuale nga një i dyshuar mashkull kosovar me të cilin ajo ishte në lidhje dashurie”, thuhet në njoftim gjersa potencohet se nuk raportohet për të arrestuar.
Rasti vazhdon të hetohet, ndërsa Policia e Kosovës e ka nisur rastin si “dhunim”.