Në këtë ordinancë vijnë të kërkojnë ndihmë numër i madh i pacientëve, por një pacient që këtu erdhi në vikend, pati një telashe të pazakontë.
I njëjti ordinancës gastroenterologjike iu drejtua pasi kishte gëlltitur hiç më pak se një telefon.
Ky telefon që tash po qëndron në sallën e doktor Genc Paçarizit, kishte kaluar në lukthin e 50 vjeçarit, i cili nga Prishtina i ishte drejtuar Malishevës për zgjidhje.
“Këtë rast një telefon, të vegjël që janë në stomak, vendosim për me bo gastroskopinë për me evidentu gjendjen e telefonit fillimisht sepse e kanë baterinë tepër të rrezikshëm nëse e lëshon langun alkalinë, kështu që vendosem me tërheq, me aksesorët përkatës dhe procedura përfundoi mirë”, tha Genc Paçarizi Gastroenterolog.
Një procedurë e tillë Paçarizit dhe kolegëve të tij u ka marr 15 minuta kohë, e tregon edhe raste të tjera me të cilat ballafaqohen.
“Janë fëmija fillimisht qe gëlltisin, para lodra etj, janë pacientët që janë me çrregullime depressive dhe ata në një mënyrë të pavetëdijshme e arrijnë një qëllim të tyre,..”, shtoi ai.
Pacienti tashmë është në gjendje stabile shëndetësore kurse edhe një rast i ngjashëm ishte raportuar vjet më parë në QKUK.