Edhe dy muaj arrest shtëpiak për ish-policin serb, Dejan Pantiq

Gjykata Themelore në Prishtinë ka vendosur që ish-policit, Dejan Pantiq t’ia vazhdojë edhe një herë masën e arrestit shtëpiak

Gjykata Themelore në Prishtinë ia ka vazhduar edhe për dy muaj masën e arrestit shtëpiak, ish-policit serb Dejan Pantiq, i cili dyshohet për terrorizëm.

Lajmin për RTV Dukagjinin e ka konfirmuar zëdhënësja e kësaj gjykate, Mirlinda Gashi.

“Më datë 08.03.2023 Departamenti Special ka aprovuar kërkesën e Prokurorisë Speciale të Republikës së Kosovës, për vazhdimin e masës së Arrestit shtëpiak kundër të pandehurit D.P, ashtu që masa e Arrestit shtëpiak i është vazhduar edhe për 2 (dy) muaj, deri me datë 09.05.2023”, ka deklaruar Gashi.

Gjithashtu, më 4 janar të vitit 2023 Gjykata Themelore e Prishtinës me kërkesën e Prokurorisë Speciale të Republikës së Kosovës kishte vendosur që t’ia vazhdojë masën e arrestit shtëpiak ish-policit, Pantiq edhe për dy muaj.

Ndërkaq, Pantiq është arrestuar më 12 dhjetor të vitit të 2022, nën dyshimin se kishte sulmuar zyrtarët e Policisë së Kosovës dhe Komisionit Zgjedhor në veri të Mitrovicës.

Kujtojmë se pas arrestimit të tij, serbët vendas vendosën barrikada në rrugët që çojnë në vendkalimet kufitare Jarinjë dhe Bërnjak, të cilat lidhin Kosovën me Serbinë.

Shija e redaktorit

Ermal Panduri tregon se si filloi emisioni “Debat Plus”

Moderatori i emisionit më të shikuar në vend "Debat Plus", Ermal Panduri, ka treguar se ky është emisioni më i shtrenjtë në Kosovë. "Është shumë...

15 operimet më të ndërlikuara në shëndetësi u kryen ditën...

Në Spitalin e Përgjithshëm të Pejës, gjatë ditës së djeshme (12 mars), janë kryer 15 operacionet më të ndërlikuara në shëndetësi. Këtë e ka...

Gërvalla viziton Misionin e Përhershëm të Shqipërisë në NATO

Në kuadër të vizitës në NATO, ministres së Punëve të Jashtme dhe Diasporës, Donika Gërvalla dhe delegacionit të Kosovës i është rezervuar një pritje...

Të fundit nga rubrika