Islanda është bërë vendi i pestë që vendos të bojkotojë “Eurovisionin” e vitit 2026, pas Spanjës, Irlandës, Sllovenisë dhe Holandës.
Të gjitha këto vende tërhiqen nga gara pas konfirmimit zyrtar javën e kaluar se Izraeli do të marrë pjesë, raporton BBC.
Sipas transmetuesit publik islandez, RUV, pjesëmarrja e transmetuesit izraelit, KAN, ka shkaktuar përçarje mes anëtarëve të Unionit Evropian të Transmetuesve (EBU) dhe tek publiku i gjerë.
Islanda kishte paralajmëruar më parë se po konsideronte të mos merrte pjesë në “Eurovision” 2026, por vendimin përfundimtar e mori vetëm pas mbledhjes së bordit të transmetuesit publik të mbajtur të mërkurën.