Të mërkurën e 31 gushtit përveç në Prishtinë dhe në Skenderaj është protestuar kundër dhunës seksuale ndaj gjinisë femërore në Kosovë e në veçanti për rastin e fundit në Prishtinë, ku një vajzë e 11 vjeçare ishte përdhunuar nga 5 persona.
Moto e kësaj proteste ishte “Protesta mbrojtëse për vajzat dhe gratë”, “Mos shfajësoni fajtorët, fol, bërtit mos heshtë”, thuhet ndër të tjera në postimin e shpërndarë nga Komuna e Skenderajt.
“Këtij marshi iu kanë përgjigjur një numër i madh i qytetarëve, duke u solidarizuar me viktimën 11 vjeçare”.
Në këtë protestë të organizuar nga OJQ “Drugëza” në bashkëpunim me Zyrën për Barazi Gjinore në Komunën e Skenderajt, i pranishme ishte edhe kryetari i Komunës së Skenderajt, Fadil Nura,
Ai i është bashkuar marshit në ecjen nga sheshi “Adem Jashari” përgjatë rrugëve; “18 Qershori”, “Fehmi e Xhevë Lladrovci” dhe “Ahmet Delia”.