Të hënën e 1 gushtit, Kryeministri i Shqipërisë, Edi Rama, ka mbajtur konferencë të përbashkët me kryeministrin e Spanjës, Pedro Sanchez.
Në këtë konferencë kryeministri i Shqipërisë ka komentuar ngjarjet që ndodhën të dielën e 31 gushtit në veri të Kosovë, që përfshijnë bllokimin e pikave kufitare në Bërnjak dhe Jarinjë.
Sipas Edi Ramës, Kosova ka të drejtë që të zbatojë marrëveshjet dhe të ushtrojë sovranitetin e saj territorial, dhe se presidenti i Serbisë nuk duhet të ushqejë grupet e caktuara në veri.
“Kemi folur për Kosovën, dihet që Spanja ka një pozicion tradicionalisht të palëvizshëm për arsye që lidhem me vetë Spanjën, që nuk kanë të bëjnë me asnjë lloj diskriminimi me shqiptarët në Kosovë, por sidoqoftë kemi diskutuar”.
Rama ka shtuar se marrëveshjet e dakorduara janë për t’u plotësuar.
“Ne e përshëndesim marrëveshjen për shtyrje të marrëveshjes, të cilën e ka mbështetur edhe Borrell. I bëj thirrje presidentit të Serbisë të mos ushqejnë grupe të caktuara në veriun e Kosovës që i kundërvihen zbatimit të një marrëveshje e vlefshme të zbatohet për t’i dhënë më shumë besueshmëri zbatimit të marrëveshjeve”, u shpreh Rama.
Njësi të shumta policore të Kosovës nisen drejt Mitrovicës (Video)