Kryeministri i Shqipërisë, Edi Rama, është operuar në orët e para të mëngjesit të së hënës.

Kryeministri Rama i është nënshtruar një operacioni për heqjen e apandesitit apo që ndryshe njihet si “zorra qorre”.

Siç është bërë e ditur nga Zyra e Kryeministrit gjendja e tij është e mirë dhe e qëndrueshme.

Ndërhyrja kirurgjike është kryer në Qendrën Spitalore Universitare “Nënë Tereza”.

“Në bazë të rekomandimit të mjekëve të shërbimit të urgjencës, Rama iu nënshtrua operacionit për heqjen e appendisdit në orët e para të mëngjesit të sotëm. Operacioni u krye nga ekipi i mjekëve kirurgë dhe anestezistë, nën drejtimin e prof. Arben Gjata, Shef i Shërbimit të Kirurgjisë në QSUT”, thuhet në njoftim.

Ndërhyrja është konsideruar e suksesshme dhe gjendja shëndetësore e mirë.

Njoftimi i plotë:

Natën e mbrëmshme, pas kryerjes së disa testeve imazherike në qendrën spitalore universitare “Nënë Tereza”, kryeministri Rama u diagnostikua me apendesit akut.

Në bazë të rekomandimit të mjekëve të shërbimit të urgjencës, Kryeministri iu nënshtrua operacionit për heqjen e apendesitit në orët e para të mëngjesit të sotëm.

Operacioni u krye nga ekipi i mjekëve kirurgë dhe anestezistë, nën drejtimin e prof. Arben Gjata, shef i shërbimit të kirurgjisë në QSUT.

Ndërhyrja konsiderohet e suksesshme dhe gjendja shëndetësore paraqitet e mirë.