Egjipt: Të paktën 41 persona kanë humbur jetën nga zjarri në kishën ‘Abu Sifin’

Si pasojë e zjarrit të shpërthyer në një kondicioner në katin e dytë të ndërtesës, 41 persona kanë humbur jetën ndërsa 14 të tjerë kanë mbetur të plagosur, ku pjesa më e madhe është raportuar të jenë fëmijë

Ilustrim

Të dielën e 14 gushtit është raportuar për zjarr në një kishë pranë kryeqytetit të Egjiptit, Kajros, ku 41 persona kishin mbetur të vdekur si pasojë e flakëve.

Ndërsa 14 të tjerë është raportuar të jenë plagosur.

Në kohën e shpërthimit në kishën ‘Abu Sifin’ në lagjen Imbaba, kanë qenë të pranishëm mbi 5 mijë besimtarë të cilët ishin mbledhur për meshë.

Zjarri i shkaktuar kishte bllokuar hyrjen e kishës, kështu duke shkaktuar një rrëmujë.

Pjesa më e madhe e të vdekurve është raportuar të jenë fëmijë.

Ilustrim

Ministria e Brendshme ka thënë se ka pranuar një raport për zjarrin në orën 9 të mëngjesit me kohën lokale duke shtuar se zjarri ka shpërthyer në një kondicioner në katin e dytë të ndërtesës.

Ndërkaq, Presidenti Abdel Fattah el-Sissi ka shprehur ngushëllimet e tij për vitkimat përmes një telefonate me Papan e krishterë koptik Tawadros II.

Ndërsa, përmes një postimi në Facebook, ai ka thënë se po përcjell nga afër ngjarjen, dhe ka kërkuar nga institucionet të marrin masat e nevojshme, raporton Sky News.

“Po ndjek nga afër zhvillimet e aksidentit tragjik. U drejtova të gjitha agjencitë dhe institucionet shtetërore që të marrin të gjitha masat e nevojshme, dhe menjëherë të përballen me këtë aksident dhe pasojat e tij”, ka shkruar Fattah el-Sissi.

Zjarri i së dielës së 14 gushtit është një nga tragjeditë më të rënda të zjarrit në vitet e fundit në një vend ku standardet e sigurisë dhe rregullat e zjarrit zbatohen dobët.

Ndryshe, në mars të vitit të kaluar, zjarri në një fabrikë veshjesh pranë Kajros ka lënë të paktën 20 persona të vdekur dhe 24 të tjerë të plagosur.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika