Kandidati për kryeministër i LDK-së, Lumir Abdixhiku, ka zhvilluar një takim me bashkatdhetarët në Grenchen të Zvicrës, ku u bëri thirrje qytetarëve të Kosovës të mobilizohen për zgjedhjet e 28 dhjetorit.
Në një postim në Facebook, Abdixhiku shkroi se qytetarët duhet të vijnë në Kosovë “me avionë, autobusë, vetura, e po qe nevoja edhe në këmbë” për të shpëtuar vendin dhe për t’i dhënë shpresë.
Ai theksoi se LDK-ja i pret të gjithë dhe u bën thirrje të gjithë qytetarëve të jenë pjesë e këtij procesi.