Telashe me energjinë elektrike janë raportuar në shkollën “Faik Konica” në Prishtinë, mëngjesin e së martës.

Lajmin për Portalin Dukagjini e ka konfirmuar Mal Gashi, komandant i zjarrfikësve.

“Kemi pranuar informatën se ka pasur problem me energjinë elektrike, ekipet janë tashmë në vendin e ngjarjes”, ka deklaruar Gashi, gjersa ka theksuar se akoma nuk dihen detaje rreth rastit.

Dukagjini ka kontaktuar me Policinë e Kosovës si dhe me Emergjencën, por asnjëra nuk ka kthyer përgjigje deri në momentin e publikimit të artikullit.