Ekonomia gjermane në recesion si pasojë e inflacionit

Ekonomia e Gjermanisë u tkurr lehtë në tremujorin e parë të 2023 krahasuar me tre muajt e mëparshëm, duke hyrë kështu në një recesion teknik, kështu treguan të dhënat të enjten

Fotografi Ilustruese

Inflacioni i vazhdueshëm e ka shtyrë Gjermaninë në recesion në tre muajt e parë të vitit, sipas të dhënave të Agjencisë Federale të Statistikave, Destatis.

Mbi ekonominë më të madhe në Evropë, ka rënduar edhe situata me furnizimet me gaz rus, pas nisjes së luftës në Ukrainë, kanë thënë analistët.

Ekonomia është tkurrur për 0.3 për qind në periudhën janar – mars, ka thënë Zyra e Statistikave.

Kjo shifër e ka pasuar një tkurrje prej 0.5 për qind në tre muajt e fundit të vitit të kaluar.

Një shtet konsiderohet se është në recesion kur ekonomia i tkurret për periudhë gjashtëmujore.

“Si pasojë e inflacionit të vazhdueshëm, konsumi gjerman ka rënë në gjunjë, duke e tërhequr gjithë ekonominë poshtë”, ka thënë Andreas Scheuerle, analist në DekaBank, raporton REL.

Inflacioni në Gjermani ka prekur shifrën 7.2 për qind në prill.

Kjo shifër është e lartë sesa mesatarja e vendeve të Eurozonës, por më e vogël sesa inflacioni në Mbretëri të Bashkuar, prej 8.7 për qind.

Çmimet e larta vërehen më së shumti në produkte ushqimore, në veshmbathje me mobilieri.

Megjithatë, sipas analistëve, recesioni është më i vogël sesa është parashikuar, duke marrë parasysh varësinë e madhe të Gjermanisë ndaj gazit rus.

Megjithatë, banka qendrore gjermane, Bundesbank, pret që ekonomia të rritet në mënyrë modeste në tremujorin prill-qershor, me një rikthim në industri që kompenson shpenzimet stanjacionale të konsumatorëve, raporton BBC.

Fondi Monetar Ndërkombëtar ka parashikuar që Gjermania do të jetë ndër ekonomitë më të dobëta – në grupin e ekonomive të avancuara – me një tkurrje prej 0.1 për qind.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika