Ekonomia e Evropës ka vazhduar “të ftohet” me PBB-në si në eurozonë ashtu edhe në Bashkim Evropian(BE), duke u zgjeruar vetëm pak në tremujorin e tretë.

Shifrat e fundit të publikuara nga Eurostat kanë treguar se produkti i brendshëm bruto është rritur me vetëm 0.2 për qind në zonën e monedhës së përbashkët dhe në bllok në tërësi.

Kjo shifër krahasohet me shifrat e tremujorit të dytë prej 0.8 për qind në Eurozonë dhe 0.7 për qind në BE më gjerë.

Euro area #GDP +0.2% in Q3 2022, +2.1% compared with Q3 2021: flash estimate from #Eurostat https://t.co/SNVnDNqxWS pic.twitter.com/emclzFs9bc

— EU_Eurostat (@EU_Eurostat) November 15, 2022

Ka pasur gjithashtu një ngadalësim në krijimin e vendeve të punës midis korrikut dhe shtatorit, duke rënë nga një rritje prej 0.4% në 0.2% në tremujorin e tretë, raporton “euronews”.

Ekspertët kanë parashikuar se rritja ekonomike do të kthehet negative në BE në tremujorin e fundit të vitit.

Inflacioni në rritje, çmimet e larta të energjisë dhe paqëndrueshmëria e përgjithshme e shkaktuar nga lufta në Ukrainë po rëndojnë rëndë ekonominë e Evropës.