Federata e Futbollit e Kosovës (FFK) javë më parë kishte marrë vendim për ta suspenduar nga pozita e koordinatorit të futsallit, Arben Zhjeqin.
Sipas burimeve të RTV Dukagjini, ish-futbollisti i njohur, tani koordinator i futsallit, Arben Zhjeqi, ishte emëruar në këtë pozitë në vitin 2021, ndërsa javë më parë është suspenduar nga FFK-ja por, që ky vendim nuk është bërë i ditur nga institucioni më i lartë i futbollit vendor.
RTV Dukagjini, ka kontaktuar edhe ish-futbollistin e njohur, Arben Zhjeqi lidhur me rastin por, i njëjti nuk ka pranuar të flasë për suspendimin e tij.
Arben Zhjeqi ishte një ndër futbollistët më cilësor i dal nga futbolli i Kosovës në vitet e pasluftës, ndërkohë që la gjurmë në disa skuadra kosovare. Zhjeqi i ka fituar tre tituj kampioni me Prishtinën dhe një me Trepçën.
FFK-ja muajin e kaluar gjithashtu ka larguar nga puna edhe Eroll Salihun pasi ky i fundit ishte kundër rizgjedhjes së Agim Ademit në krye të FFK-së.