Ish-Presidenti i Kosovës, Hashim Thaçi ka mbërritur në Kosovë. Siç merr vesh Dukagjini atij i është lejuar të vizitojë familjen e tij pas vdekjes së babait ditë më parë.

Nga Rotterdami, Thaçi ka arritur në Aeroportin e Prishtinës rreth orës 10 ndërkaq është përcjell nën masa të rrepta sigurie nga zyrtarë e policë të EULEX-it.

Gjykata Speciale e Kosovës nuk e kishte lejuar Thaçin të vijë nga Haga në ditën e varrimit ani se avokati i tij konfirmoi se kanë bërë kërkesë.

Pa dhënë shumë detaje, Gjykata Speciale në një deklaratë publike u arsyetua me çështje procedurale për të organizuar një vizitë të tillë. Shumë reagime nxiti ky vendim, përfshirë se Gjykata ka shkelur të drejtat e njeriut me këtë vendim, duke mos e lejuar Thaçin të marr pjesë në varrim.

Në Kosovë, Thaçi ishte në fund të javës që shkoi kur e vizitoi për 3 orë babanë e sëmurë në QKUK.

Dukagjini iu sjell foto nga Aeroporti i Prishtinës: