Ekskluzive: Pamje nga sulmi ndaj policisë në veri

RTV Dukagjini ka siguruar pamje të veturës së sulmuar të Policisë së Kosovës në veri të vendit

Vetura e Policisë së Kosovës e sulmuar nga armë zjarri

Në mëngjesin e së martës është raportuar se Policia e Kosovës është sulmuar në veri të vendit, përkatësisht në Zubin Potok.

RTV Dukagjini, ka siguruar pamje të veturës së policisë e cila është sulmuar me armë zjarri.

Vetura e Policisë së Kosovës e sulmuar nga armë zjarri

Në vendin e ngjarjes ka dalë mënjëherë Njësia Speciale Operative.

Siç raporton gazetari i RTV Dukagjinit, Blendon Arifi, i cili aktualisht gjendet në vendin ku është sulmuar policia, autoblindat e vendosura në vendin e ngjarjes tashmë janë duke u larguar.

Foto nga vendi i ngjarjes

Rruga drejt vendit të sulmit deri në në këto momente ishte e bllokuar. Kjo për shkak se Njësitë Speciale të Policisë së Kosovës, KFOR-i dhe hetuesit ishin duke i hetuar rrethanat e sulmit.

Foto nga vendi i ngjarjes

Ndërkaq, vetura e policisë e cila ishte sulmuar ende gjendet në të njëjtin vend.

Zëdhënësi i Policisë së Kosovës, Baki Kelani, ka thënë për RTV Dukagjinin se nga sulmi me armë zjarri drejt njësitit kufitar nuk ka mbetur asnjë i lënduar.

“Sot në orët e hershme të mëngjesit, konfirmojmë se është sulmuar një njësi patrulluese kufitare, në fshatin Zupçe të Zubin Potokut. Lidhur me rastin janë ndërmarrë të gjitha veprimet e menjëhershme policore, ku në vendngjarje kanë dalë edhe njësitet policore të rendit nga stacioni policor Zubin Potok, të cilat kanë njoftuar se njësiti kufitar janë sulmuar me armë zjarri, përveç dëmeve materiale në automjet nuk raportohet për zyrtarë të lënduar”, ka njoftuar Kelani.

Ai ka theksuar se Policia e Kosovës, në bashkëpunim dhe koordinim me organet e drejtësisë, janë duke ndërmarrë të gjitha veprimet e nevojshme hetimore lidhur me rastin, përderisa ka shtuar masat policore me qëllim të sigurisë së zyrtarëve policorë dhe qytetarëve.

Por, kjo nuk është sulmi i parë ndaj policisë në këtë pjesë të vendit.

Pas sulmit ndaj policisë në veri, në vendin e ngjarjes dalin NJSO dhe KFOR

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika