Studiuesi dhe virologu, Prof Tulio de Oliveira, ka thënë se nuk ka nevojë për panik mes raporteve për një variant “të ri” të COVID-19.
De Oliveira, për News24, të hënën ka thënë se për shkak se EG.5 është një prejardhje e variantit Omicron, nuk ishte e re dhe nuk përbënte kërcënim për asnjë grup njerëzish.
Omicron EG.5 ka marrë nofkën “Eris”, gjë që ka bërë që njerëzit të mendojnë se është një lloj i ri dhe ka shkaktuar panik të panevojshëm. Ai tha se “shkencëtarët” pas pseudonimit nuk njiheshin nga Organizata Botërore e Shëndetësisë (OBSH) dhe strukturat e tjera përkatëse, raporton news24.com, përcjellë Dukagjini.
“I japin këto emra të rinj dhe bëjnë konfuzion se është një variant i ri”, tha ai.
“Ne jemi vigjilentë, por nuk jemi veçanërisht të shqetësuar për [EG.5]”.
De Oliveira ka thënë se Afrika e Jugut nuk kishte përjetuar një valë të re të infeksioneve të lidhura me COVID-19 që nga viti 2022.