Eksperti i komunikacionit: Aksidentet kanë pasur trend të rritjeve, duhet përdorur radarë statik mobilë e kamera
Është Bekim Ahmeti, ekspert i fushës së komunikacionit ai i cili thotë se aksidentet në Kosovë kanë shënuar një rritje të aksidenteve kohëve të fundit dhe jo të rënies së tyre. Në emisionin “Shpirti i Vikendit” me Xheneta Asllani në Radio Dukagjini, Ahmeti thotë se krahasuar me numrin e banorëve, kemi një numër të lartë […]
Është Bekim Ahmeti, ekspert i fushës së komunikacionit ai i cili thotë se aksidentet në Kosovë kanë shënuar një rritje të aksidenteve kohëve të fundit dhe jo të rënies së tyre.
Në emisionin “Shpirti i Vikendit” me Xheneta Asllani në Radio Dukagjini, Ahmeti thotë se krahasuar me numrin e banorëve, kemi një numër të lartë të aksidenteve. Ky i fundit përmend edhe aksidentin në tragjik në Ferizaj para pak ditësh me ç’rast, ndërruan jetë 4 viktima të gjinisë mashkullore.
“Ky rasti siç ndodhi në rrugën Ferizaj-Shtime dhe rasti në Kamenicë, domethënë ku kemi brenda tre dite pesë të vdekur, janë pesë plagë familjare ku tani jetën e vet do t’a kenë në kujtesë të afërmit dhe familjarët. Është një tragjedi për vendin për arsye se jemi një vend i vogël, edhe me banorë edhe me sipërfaqe. Kemi një numër kaq të madh të aksidenteve”, ka deklaruar ai.
E për këtë, Ahmeti ka thënë se fajet bijnë tek inxhinierët e komunikacionit dhe policia.
“Aksidentet kanë pasur trend të rritjes jo një trend të zvogëlimit. Kryesisht fajet bijnë tek inxhinierët e komunikacionit dhe policia, tek njerëzit që mirren me ruajtjen e rendit dhe qetësisë publike…krye e këput është problematikë e Ministrisë së Transportit dhe Komunave përreth…kanë bërë shumë pak në raport me mjetet apo format parandaluese që duhet të marr një shtet për me parandalu aksidentet në komunikacion”, ka deklaruar ai.

Si formë parandaluese, ai thotë se do mund të përdoreshin radarët statikë mobil dhe kamerat. Të njëjtat i cilëson sikurse “jetike” për sigurinë në komunikacion.
“Forma parandaluese ka shumë mirëpo ne i kemi cekur zakonisht tri. Janë radarët statik mobile edhe kamerat nëpër zona të qytetit ku duhet të ketë gjithandej kamera. Kamerat detektojnë shpejtësinë por edhe shihet me sy, mund të shfrytëzohen edhe për raste të mira jo vetëm për aksidente ose rishikimi te gjobave por edhe për valën e gjelbër në komunikacion, ose kur kemi edhe naj rast kur na viziton dikush jashtë vendit kur zakonisht presidenti ose kryeministri kanë takime, në vendet e jashtme përdoret zakonisht kjo…Për radarët statik mobilë është rast problematik ku nuk ka mënyrë selektive, shqiptim të gjobave…është pa ndjenja dhe na duhet një kohë bukur e gjatë, i ka vy edhe Evropës…mos të mendojmë se evropianët kanë ardhur në këtë shkallë si rrjedhojë e këshillave”, ka deklaruar ai.
Përpos sigurisë “jo të lartë” në komunikacion, Ahmeti tregon edhe një rast që kishte pare në rrugë e që sipas tij, do duhej të raportohej në Komunë e madje, edhe të ngritej padi.
“Dje unë pashë një qytetar që shkeli kapakun e pusetës dh era, ra deri në bel. Iu afrova thash a u lëndove, nuk fliste. I thash se nëse do i bëhem dëshimtar dhe e paditim komunën po te ne, nuk e kemi këtë logjikë që problematikat t’i zgjidhim përmes pushtetit”, ka deklaruar ai.















