Valmir Elezi nga KQZ për RTV Dukagjini ka thënë se Komisioni Qendror i Zgjedhjeve do të pres zyrtarisht vendimin e Presidentes së Kosovës, Vjosa Osmani, për të ndërmarrë hapat e nevojshëm në këto rrethana që ndërlidhen me ndërprerjen apo pezullimin e aktiviteteve përgatitore.
“Për mbledhjen e radhës do t’iu njoftojmë me kohë”, ka thënë tutje Elezi.
Të shtunën e 10 dhjetorit, presidentja e Kosovës, Vjosa Osmani pas takimit me përfaqësuesit politikë ka treguar se është marrë vendim për shtyrje të zgjedhjeve.
Ajo ka thënë se zgjedhjet do të mbahen në muajin prill, derisa data e saktë do të bëhet publike nesër ose sonte në mbrëmje.
“Diskutuam rreth datës më të përshtatshme dhe kohës së përshtatshme dhe në fund me konsensus të plotë, pas propozimit tim erdhëm në konkluzion që të shtyhen për muajin prill të vitit 2023, kurse data e saktë e muajit prill, sonte ose më largu nesër në mëngjes do t’i tregohet publikut”, ka deklaruar Osmani.