Avokati i Kadri Veselit, Ben Emmerson, është sqaruar për deklaratën e tij ku kishte thënë se Nazim Bllaca ka vdekur.
Në fund të seancës, Emmerson ka deklaruar se deklarata e tij ka qenë e gabuar.
“Në fillim bëra një gabim thashë Nazim Bllaca ka vdekur…”, ka thënë shkurt Emmerson.
Në seancën e së premtes në Hagë, u soll në skenë përsëri emri i Nazim Bllacës, për të cilin avokati i ish-kryeparlamentarit Kadri Veseli, tha se ka vdekur.
“Prokuroria vazhdon të mbështetet te një dëshmitar, Nazim Bllaca, i cili ka vdekur. Kishte informata që ka qenë aset serb, i paguar nga Serbia”, ka thënë Emmerson
Menjëherë pas kësaj deklarate të avokatit Ben Emerson, RTV Dukagjini ka kontaktuar vëllain e Nazim Bllacës, Liman Bllaca, i cili e mohoi kategorikisht një deklaratë të tillë.
Ai tha se me të vëllain e tij ka kontaktuar para dy javësh, kurse fizikisht e ka parë para një muaji.