Trajneri i njohur Ismet Munishi ka rrëfyer kohën e tij kur ishte futbollist dhe përkrahjen që nëna e tij i dha në këtë rrugëtim.
Me shumë emocione, ai tregoi edhe për rrethanat e vështira që kishte në fillimet e karrierës.
“Unë kam qenë gjithmonë i lidhur me prind. Nëna gjithmonë më ka përkrahur në rrugëtimin tim në futboll. Kurr se harroj kur kanë ardhur me më pa në kupat evropiane në Maribor. Ne këtu ishim në okupim”, tha ai fillimisht.
Teksa, shtoi se “ne kishim vështirësi ekonomike. Më kujtohet kur na qitën prej shpijave, ne nuk kemi pasur. Çdo fëmijë dëshiron që ta bëjë nënën krenare”.
Munishi po ashtu e lavdëroi shumë festimin e Hakimit me nënën e tij në këtë botëror.
“Hakimi është rritë duke e pa nënën e tij duke vujtë, por ky ka arritë që nëna e tij të jetë dikushi. Ky e meriton krejtë respektin e shtetit të vet, ky ka mujtë me lujtë në Spanjë e ku të dojë” , tha trajneri i Prishtinës.
Kjo është nata e 18- të e emisionit “Dueli Botëror” i cili do zgjasë deri në finalen e madhe të Kupës së Botës.
Edhe në netët në vazhdim do të ketë të ftuar të ndryshëm nga bota e sportit dhe jo vetëm, të cilët në fokus kryesor do ta kenë diskutimin për Kampionatin Botëror.