Akoma asnjë qytetar nuk ka votuar në fshatin Soqanicë të Leposaviqit, ku brenda një objekti komunal janë vendosur tri qendra votimi.
Kështu bën të ditur ekipi i RTV Dukagjinit i cili po qëndron në atë pjesë për të mbikëqyrur procesin e votimit.
Rreth dy mijë e 800 qytetarë kanë të drejtë vote në këtë pjesë por asnjë prej tyre nuk e kanë shfrytëzuar këtë të drejtë.
Në këtë fshat pas rreth gjysmë ore pritet të arrijë ministri i Administrimit të Pushtetit Lokal, Elbert Krasniqi, për të parë mbarëvajtjen e procesit deri më tani dhe është paraparë që pas vizitës së tij të bëjë një deklarim për media.