Enis Kervan, ish-deputet nga radhët e Partisë Demokratike Turke, është emëruar sot në postin e zëvendësministrit të Mbrojtjes.

Ai është pritur në zyrën e kryeministrit Albin Kurti, ku edhe është nënshkruar vendimi për emërimin e tij.

Njoftimi i Zyrës së Kryeministrit

“Kryeministri i Republikës së Kosovës, Albin Kurti, ka emëruar z. Enis Kervan në pozitën e zëvendësministrit në Ministrinë e Mbrojtjes.

Kryeministri Kurti e uroi z. Enis Kervan për detyrën e re dhe i dëshiroi suksese në përmbushjen e përgjegjësive të reja.”